செல்ல மகள்

செஞ்ச தவமெல்லாம் சேர்த்து வெச்ச புண்ணியமா
செல்ல மகள் பொறந்தாச்சு சேதி சொல்லு ஊருக்குள்ள !

வண்ண துணி உடுத்தி வாரி தல நெறய
பூவும் வெச்சு நான் மகிழ
செல்ல மகள் பொறந்தாச்சு சேதி சொல்லு ஊருக்குள்ள !

நாட்டு நடப்பெல்லாம் நம்மளுக்கு புரிய வெக்க
நாலெழுத்து படிச்சு நம்ம நாதியையும் நிலை நிறுத்த
செல்ல மகள் பொறந்தாச்சு சேதி சொல்லு ஊருக்குள்ள !

காதல் கணவனை கல்யாணம் அவ முடிக்க
கண்ணு கலங்குதடி காலம் அது ஓடுதடி
என்றும் அவ தானே என் வீட்டு மகராசி, இன்று மறுவீடு
செல்ல மகள் பொறந்தாச்சு சேதி சொல்லு ஊருக்குள்ள !